مسرح حسام الغمري

صوتك كانه منقوش على الحيطان  بيشق قلب الصمت  والليل والمكان  هنا سحرك سكن  ويا تعويذة شجن مفتاح حياتك كلها  رغم الزمن  رغم البعاد  صوتك معاد صوتك بداية فجر  شمسه ما تنطفيش رغم الفراق والهجر والممكن والمفيش رغم الحواجز والسدود رغم الموانع والقيود رغم ضحكة اتكسرت قبل الأوان رغم رؤيا اتفسرت عكس الزمان ورياح سمومها اتعودت تحنى شراع الحب عطرك طلاسم سرها يفتح بيبان القلب وارجع تاني افكر ادبر من جديد النقش ممكن ينمحي وده شيء اكيد الجرح ممكن يتنسي بنهار سعيد العمر ممكن يبتسم زي الوليد مع ان نقشك لسه موجود على الحيطان