مسرح حسام الغمري

كلامي بالعيون بالسكون بالآهات بالشفايف كلامي بالوتر اللي اختصر قلب انستر ومعدش خايف هاضمك تدوبي في دروبي في حدودي في صمتي في شرودي في عنادي في بلادي في ضحكة ولادي في حيرتي وسهادي في فجري اللي بادي واقولك كمان هاشقشق ملامحك يصالحك زمانك تسامحك خصالك تفتح ورودك ويعزف وجودك واطفي حنينك وارسى شراعك على شط قلبي في بر الأمان واقولك كمان

اللـوحة السادسة المنظر نفس المنظر السابق ولكن مع ارتفاع اكوام التراب يضاء المسرح وحسن يتمتم ببعض الاوراد الغير مفهومه دون مبالغة في وجود جميع الشخصيات الاخرى الاب طمني يا ابني .. القلق ح يقتلني . حسن لازم الحفر يقف . علا يعني ايه ؟ التعب ده كله راح علي الفاضي .. ده خلاص مفاضلش قدامنا الا ربع متر ونوصل للبوابة حسن موش ذنبي . الاب امال ذنب مين يا ابني .. محدش فينا شيخ غيرك .. قلت احفروا حفرنا .. ودلوقتي جاي تقولنا نوقف الحفر . حسن وموش بس كده .. تردموا اللي حفرتوه والا موش هايحصل طيب .. وكل ثانية تأخير فيها ضرر عليكم عصام ده جنون .. وانا حذرتكم من الأول .. لكن انتو جريتوا ورا الوهم وسلمتوا عقولكم للجاهل ده . سعاد عصام ما تغلطش .. اكيد في سر احنا موش عارفينه حسن تمام يا سعاد .. فيه سر . علا سر ايه ؟ حسن اسالي الحاج .. والدك . علا سر ايه يا بابا . الأب انا زيك موش فاهم حاجة . ...

المشهد الرابع   المنظر : نفس المنظر السابق ولكن يلاحظ عدم وجود التلفاز ووجود معدات حفر كأزمة وفأس وخلافة ( يضاء المسرح علي عصام الذي يبدوا مذهولا ووالدة الذي ربما عاد لقوة مساعد الشرطة ) عصام : اللي أنت بتقوله ده يا بابا جنون . الأب : اسمعني يا بني .. أنا عشت كتير في الدنيا .. وعرفت إن الفرصة بتيجي للإنسان مره واحدة بس .. والشاطر اللي لو جت له الفرصة يعرف ازاي يستغلها صح . عصام : يا بابا أنا رغم إني موش قادر أقتنع بالحلم الكبير ده وافقت إني أحفر مع حضرتك .. يعني تقريبا بحفر لوحدي .. لكن الكلام اللي انت بتقولهولي دلوقتي ده خطير جدا .. وحرام . الأب : يعني هوه الحلال إن حسن ياخد لوحده   350مليون دولار .. واحنا الأربعة ناخد زيه . عصام : هوه عرض وجهة نظره وحضرتك وافقت . الأب : وافقت علشان معنديش بديل .. وهوه عارف إني هوافق علشان معنديش بديل .. ولو كان طلب أكتر من النص كنت برده هوافق مادام لاوي لي دراعي . عصام : خلاص .. طالما خيوط اللعبة كل...