شاعر

من صغري شاعر ..
برسم عيون البدر جوه قرص الشمس ..
واقطف شفايف ضلها بلون المدى ..
واسقي الندى ..
وافرد شراعي يطول نجوم في السما ..
وسفينتي جايه ببحرها ..
والشط جواها مفتون بعطرها ..
وانا الربان وانا البحارة ..
وانا اللي صوتي مجرتي ..
مسكتش يوم ..
وانا اللي قلمي قضيتي ..
وما خافش يوم ..
وحبيبتي نور ..
أصل الربيع ..
أصل النسيم ..
أصل الزهور ..
هي حروفي بتترسم للناس دروب ..
هي اماني في حضنها الروح تدوب ..
وسلسبيلي وغنوتي ..
هي الايقاع في خطوتي ..
وشراعي ..
وسفينتي..
وشطها ..
كله لها ..............
ما انا اصلي شاعر ..